НЕГОРСКИ Бањи се модерен здравствен и туристички центар.Негорски Бањисе центар за продолжен третман и рехабилитација на пациенти во модерно опремени простории за сите видови на терапија од полето на физикална медицина и рехабилитација.

Eксклузивноста на Негорските Бањи се состои во лековитоста на минералната вода, којашто извира на местоположбата на Негорски Бањи . Во регионот на бањата постојат 2 извора "Врела Бања" и "Ладна бања". Водата во врелата бања има температура од 40C, а во ладната бања 38C.Водата во својот состав содржи калциум, магнезиум, рубидиум, цезиум, радон и други минерали.

Податоци за благотворното дејство на душата и телото на минералните води од Негорски Бањи постојат уште од далечната 1864. Научните докази за лековитоста на водата датираат од 1950 година кога е формирано бањското лекувалиште. Негорски Бањи се наоѓаат на далечина од 3км од Гевгелија, на надморска височина од 50 метри. Лоцирани се во многу специфична средина, во подножјето на планината Кожуф, помеѓу богата и ретка јасенова шума, која формира природен парк. Јасеновата шума зафаќа површина од 22 хектари околу комплексот Негорските Бањи.

Повеќе информации на www.negorskibanji.com.mk